Leipzig University Statute Concerning Freshmen, 1495

"Mandatum de beanis non vexandis vel iniuriose offendendis. Mandat omnibus et singulis universitatis eiusdem suppositis, quatenus nullum ipsorum deinceps aliquem ex hiis, qui sese in praesens oppidum et hanc almam academiam studii causa contulerunt, quos nonnulli beanos suo nomine compellitant, in foro, plateis, vicis, collegiis, bursis aliisve quibuslibet locis et signanter in praesenti collegio, quando ad ipsum immatriculationis causa ingredientur vel post immatriculationem egredientur, verbis iniuriosis offendat, verberet, capillet, aqua seu urina perfundat, pulveribus atque aliis immundiciebus proiiciat vel defoedet, fistulando subsannet, horrendis vocibus acclamitet, vel modis quibuscunque corporaliter atque enormiter molestare praesumat. Sub poena .v. grossorum, universitati irremissibiliter etc."

Friedrich Zarncke, ed., Die Statutenbücher der Universität Leipzig aus den ersten 150 Jahren ihres Bestehens (Leipzig: Hirzel, 1861), 102.